Home Telugu దక్షిణ భారత మహా మల్లయోధుడు ‘కోడి రామ్మూర్తి నాయుడు’గా ‘బాహుబలి’ స్టార్..!

దక్షిణ భారత మహా మల్లయోధుడు ‘కోడి రామ్మూర్తి నాయుడు’గా ‘బాహుబలి’ స్టార్..!

108
0

5000 కి పైగా పోటీల్లో ఓటమనేదే ఎరుగని మహా మల్లయోధుడు కోడి రామ్మూర్తి నాయుడు. ఆయన ప్రతిభ కి అప్పట్లో కింగ్ జార్జ్ స్వయంగా ‘ఇండియన్ హెర్క్యూలెస్’, ‘కలియుగ భీమ’ బిరుదులతో కోడి రామ్మూర్తి నాయుడుని సత్కరించారు. బ్రిటిష్ పాలన బలంగా ఉన్న 1900 తొలి నాళ్ళల్లో , ఈ యువ కలియుగ భీముడు తన సత్తా చాటాడు. మహా ధైర్యవంతుడు అయిన ఈయన మల్లయుద్ధం బరిలో అనేక పోరాటాల్లో పాల్గొన్నారు. బాడీ బిల్డింగ్, మల్లయుద్ధం పట్ల ఉన్న అమితాసక్తి, ఇష్టం కోడి రామ్మూర్తి నాయుడుని ఆ రోజుల్లో మల్లయుద్ధంలో ఓటమనేదే ఎరుగని ధీరుడినిగా నిలబెట్టింది. గోదాలో ఈయన ప్రదర్శించిన పరాక్రమం భారత దేశ స్వాతంత్ర్యోద్యమానికి స్పూర్తి క‌లిగించింది.

కోడి రామ్మూర్తి నాయుడు గురించి పాఠ్య పుస్తకాల్లో చదువుతున్నప్పటి నుండే రానా దగ్గుబాటి కి ఆయన మీద విపరీతమైన అభిమానం ఏర్పడింది. ఈ పాత్ర రానా కెరీర్ లోనే మరిచిపోలేని పాత్ర గా నిలిచిపోతుంది. అలాగే ఈ చిత్రం ఆ మహా మల్లయోధ వీరునికి ఘనమైన నివాళిగా రూపుదిద్దుకోనుంది. ప్రస్తుతం ఎన్నో భారీ, వైవిధ్యమైన చిత్రాలతో బిజీగా ఉన్న రానా దగ్గుబాటి ఈ భారీ, చారిత్రాత్మక యాక్షన్ డ్రామాతో త్వ‌ర‌లో న‌టించ‌నున్నారు.

తెలుగు, హిందీ భాషల్లో రూపొందే ఈ భారీ చిత్రాన్ని సౌత్ కి చెందిన ఒక అగ్ర నిర్మాణ సంస్థ తో పాటు ప్రముఖ అంతర్జాతీయ నిర్మాణ సంస్థ కలిసి  నిర్మించనున్నారు. ఈ చిత్ర కథని రైటర్స్ అసోసియేషన్ లో రిజిస్టర్ చేయడం కూడా జరిగింది. ఈ చిత్రం కోసం ఒక అగ్ర దర్శకునితో సంప్రదింపులు జరుగుతున్నాయి. అన్ని అనుకున్నట్టు జరిగితే అతి త్వరలోనే ఈ చిత్ర షూటింగ్ ప్రారంభం అవుతుంది.

 

 

LEAVE A REPLY

Please enter your comment!
Please enter your name here