Home Telugu @న‌ర్త‌న‌శాల ఫ‌స్ట్ సింగిల్ రిలీజ్ కి రెడీ..!

@న‌ర్త‌న‌శాల ఫ‌స్ట్ సింగిల్ రిలీజ్ కి రెడీ..!

116
0
Narthanasala movie

ఛ‌లో లాంటి బ్లాక్‌బ‌స్ట‌ర్ చిత్రం త‌రువాత నాగ‌శౌర్య‌, ఐరా క్రియోష‌న్స్ కాంబినేష‌న్ లో ప్రొడ‌క్ష‌న్ నెం-2 గా తెర‌కెక్కుతున్న చిత్రం @న‌ర్త‌న‌శాల ఫ‌స్ట్ లుక్ ని ఇటీవ‌లే విడుద‌ల చేశారు. ఈ లుక్ కి సోష‌ల్ మీడియాలో విప‌రీత‌మైన రెస్పాన్స్ రావ‌టం విశేషం. ఈ చిత్రం లో క‌ష్మిర ప‌ర‌దేశి, యామిని భాస్క‌ర్ హీరోయిన్స్ గా న‌టిస్తున్నారు. ఇటీవ‌లే ఇట‌లీలో సాంగ్స్ షూటింగ్ పూర్తి చేసుకుని పోస్ట్‌ప్రోడక్ష‌న్ కార్య‌క్ర‌మాలు జ‌రుపుకుంటోంది. ఈ చిత్రానికి శ్రీనివాస చ‌క్ర‌వ‌ర్తి ద‌ర్శ‌కుడు.

చిత్ర స‌మ‌ర్ప‌కుడు శంక‌ర ప్ర‌సాద్ మూల్పూరి, చిత్ర నిర్మాత ఉష మూల్పూరి. ఛ‌లో లాంటి మ్యూజికల్ బ్లాక్‌బ‌స్ట‌ర్ కి సంగీతాన్ని అందించిన మ‌హ‌తి స్వ‌ర సాగ‌ర్ ఈ చిత్రానికి చాలా మంచి సంగీతాన్ని అందించారు. ప్రముఖ రచయిత భాస్కరభట్ల సాహిత్యం అందించారు. జులై 31న 4.30 నిమిషాల‌కి మెద‌టి సింగిల్ ని విజువ‌ల్ గా విడుద‌ల చేయ‌టానికి నిర్మాత‌లు ప్లాన్ చేశారు. అన్ని కార్య‌క్ర‌మాలు పూర్తిచేసి ప్ర‌పంచ‌వ్యాప్తంగా ఈ చిత్రాన్ని ఆగ‌ష్టు 31న విడుదల చేయ‌టానికి నిర్మాత‌లు స‌న్నాహ‌లు చేస్తున్నారు.

ఈ సంద‌ర్బంగా నిర్మాత ఉషా మూల్పూరి మాట్లాడుతూ.. ఛ‌లో చిత్రాన్ని మ్యూజిక‌ల్ గా ఎంత ఘ‌న‌విజ‌యం చేశారో అంద‌రికి తెలుసు. ఇప్ప‌డు మా @న‌ర్త‌నశాల ని కూడా అంత‌కు మించి విజ‌యం చేయాల‌ని కోరుకుంటున్నాను. ఈ చిత్రంలో మెద‌టి సింగిల్ ని జులై  31న 4.30 నిమిషాల‌కి విడుద‌ల చేయ‌టానికి నిర్ణ‌యించాం. అలాగే ఈ చిత్ర ఆడియో మ‌హ‌తి స్వ‌ర సాగ‌ర్ అద్బుతంగా చేశాడు. ఛ‌లో కంటే మంచి విజ‌యాన్ని అందుకుంటామ‌న్న న‌మ్మ‌కం వుంది. భాస్కరభట్ల మంచి సాహిత్యం అందించారు.

మా దృష్టిలో సినిమా అంటే ఎంట‌ర్‌టైన్‌మెంట్‌, ఎంట‌ర్‌టైన్‌మెంట్‌, ఎంట‌ర్‌టైన్‌మెంట్ అందుకే మా ఐరా క్రియెష‌న్స్ నుండి వ‌చ్చిన ఛ‌లో కూడా పూర్తి ఎంట‌ర్‌టైన్‌మెంట్ తో చేశాం. ఇప్పుడు మా @న‌ర్త‌న‌శాల కూడా పూర్తి వినోదాత్మ‌కంగా తీర్చిదిద్దాం. ఈ చిత్రం వ‌య‌సుతో సంబంధం లేకుండా అన్ని వ‌య‌సుల వారిని , అన్ని వ‌ర్గాల వారిని అల‌రిస్తుంది. మా హీరో నాగ‌శౌర్య చాలా అందంగా క‌న‌ప‌డ‌తాడు. చాలా మంచి పాత్ర చేస్తున్నాడు. అలాగే హీరోయిన్స్ క‌ష్మిర ప‌ర‌దేశి, యామిని భాస్క‌ర్ లు చాలా బాగా నటించారు. ఈ చిత్రంలో ఎవ‌రి పాత్ర‌కి వారు క‌రెక్ట్ గా స‌రిపోయారు. ఎగిరినే మ‌న‌సు అని సాగే సాంగ్ విజువ‌ల్ ని విడుద‌ల చేస్తున్నాం. ఈ సాంగ్ అంద‌ర్ని విప‌రీతంగా ఆక‌ట్టుకుంటుంద‌ని మా న‌మ్మ‌కం అన్నారు.

 

 

LEAVE A REPLY

Please enter your comment!
Please enter your name here